கடைசியாக நான் சென்னை புத்தகக் கண்காட்சிக்குச் சென்றது 2022இல். இந்த ஆண்டோடு தொடர்ந்து 4 ஆண்டுகளாகச் செல்ல முடியவில்லை. ஆனாலும் ஏதோ ஒரு வகையில் சென்னையில் இருந்து யாராவது ஒருவர் கண்காட்சியில் இருப்பதாகச் சொல்லி புத்தகம் வாங்க வேண்டுமா என்று கேட்பார்கள். வேண்டாம் என்றா சொல்வேன்? ஒரு சிறு பட்டியலை அனுப்பி புத்தகங்களை வாங்கிவிடுவேன். இந்த ஆண்டும் என்னால் செல்ல முடியாது என்பது முன்பே தெரிந்துவிட்டது. அதனால் ஹரியைச் சென்று வரச் சொன்னேன். அவனால் இறுதி நாளன்றுதான் செல்ல முடிந்தது. சில மணி நேரமே இருந்ததால் கொஞ்சமே வாங்க முடிந்தது.
இந்தப் பட்டியலில் உள்ள நூல்களில் பெரும்பாலானவை என்னுடைய “வாங்க வேண்டிய நூல்கள்” பட்டியலில் இருந்தவைதான். “ஒரு மனிதன் ஒரு வீடு ஒரு உலகம்” நூல் என்னிடம் ஏற்கெனவே உள்ளது. பரிசளிப்பதற்காக வாங்கினேன். அதேபோல் சிந்தா நதியும். இந்த முறை தொகுப்பு நூல்கள் 3 வாங்கியுள்ளேன். குறிப்பாக கலைஞரின் நெஞ்சுக்கு நீதி முழுத்தொகுப்பு (உத்தேசமாக 5000+ பக்கங்கள் கொண்டது). போலவே போரும் வாழ்வும் (3000 பக்கங்கள்).
இந்த முறை தோராயமாக 10000 ரூபாய்க்கு புத்தகங்கள் வாங்கியிருப்பேன். எத்தனை நூல்கள் வாங்கினாலும் நிறைவு கொள்ளாத மனத்தை ஒன்றும் செய்ய முடியாது. அடுத்த ஆண்டு புத்தகத் திருவிழாவில் வாங்கிக் கொள்ளலாம் என்று என் மனத்திடம் சொல்லி ஒருவாறு சமாளித்து வைத்திருக்கிறேன் (வேறு வழி?)
வாங்கிய நூல்களின் பட்டியல்:
1. வேள்பாரி (2 பாகங்கள்) – சு. வெங்கடேசன்
2. போரும் வாழ்வும் (3 பாகங்கள்) – லியோ டால்ஸ்டாய்
3. நெஞ்சுக்கு நீதி (6 பாகங்கள் ) – மு. கருணாநிதி
4. ஓநாய் குலச்சின்னம் – ஜியாங் ரோங்
5. தூப்புக்காரி – மலர்வதி
6. விமர்சனங்களுக்கு அப்பாற்பட்டவரா பெரியார் – கி. தளபதிராஜ்
7. மண்ணும் மனிதரும் – சிவராம காரந்த்
8. ஒரு மனிதன் ஒரு வீடு ஒரு உலகம் – ஜெயகாந்தன்
9. JK வாதம் பிரதிவாதம் – ஜெயகாந்தன் (தொகுப்பு: ஜெ. ஜெயசிம்ஹன்)
10. மாலை மயக்கம் – ஜெயகாந்தன்
11. உ.வே.சாமிநாதையரை ஒதுக்கலாமா? – பெருமாள் முருகன்
12. திருநெல்வேலி எழுச்சியும் வ.உ.சி.யும் 1908 – ஆ. இரா. வேங்கடாசலபதி
13. சிலுவையின் பெயரால் – ஜெயமோகன்
14. யாதும் காடே யாவரும் மிருகம் – டி. தருமராஜ்
15. அநாகத நாதம் – செந்தில் ஜெகந்நாதன்
16. நிர்வாண நகரம் – சுஜாதா
17. மடப்புரத்து காளி – இந்திரா சௌந்தர்ராஜன்
18. தம்மம் தந்தவன் – விலாஸ் சாரங்
19. தங்க நகைப்பாதை – மு. குலசேகரன்
20. கரமுண்டார் வூடு – தஞ்சை பிரகாஷ்
21. அன்புள்ள புல்புல் – சுனில் கிருஷ்ணன்
22. ஆகோள் – கபிலன் வைரமுத்து
23. கோமணம் – சுப்ரபாரதிமணியன்
24. மானசா – லஷ்மி பாலகிருஷ்ணன்
25. அறிவுக்கு ஆயிரம் கண்கள் – மரபின்மைந்தன் முத்தையா
26. உளிகள் நிறைந்த உலகமிது – மரபின்மைந்தன் முத்தையா
27. உமா மகேஸ்வரி கதைகள் (முழுத் தொகுப்பு) – உமா மகேஸ்வரி
28. குதிரை மரம் – கே.ஜே. அஷோக்குமார்
29. காதுகள் – எம்.வி. வெங்கட்ராம்
30. சித்தார்த்தன் – ஹெர்மன் ஹெஸ்ஸே
31. தமிழ் பயிற்றும் முறை – டாக்டர் ந. சுப்புரெட்டியார்
32. சிந்தா நதி – லா. ச. ராமாமிர்தம்
33. அள்ள அள்ள பணம் (பாகம் 7: தங்கம்)– சோம. வள்ளியப்பன்
34. அள்ள அள்ள பணம் (பாகம் 10: SIP) – சோம. வள்ளியப்பன்
35. சர்க்கஸ்.காம் – இரா. நடராஜன்
- தீனதயாளன்
கருத்துகள்