கனவுகளும் கலைப்புகளும்

கடைசியாக நான் சென்னை புத்தகக் கண்காட்சிக்குச் சென்றது 2022இல். இந்த ஆண்டோடு தொடர்ந்து 4 ஆண்டுகளாகச் செல்ல முடியவில்லை. ஆனாலும் ஏதோ ஒரு வகையில் சென்னையில் இருந்து யாராவது ஒருவர் கண்காட்சியில் இருப்பதாகச் சொல்லி புத்தகம் வாங்க வேண்டுமா என்று கேட்பார்கள். வேண்டாம் என்றா சொல்வேன்? ஒரு சிறு பட்டியலை அனுப்பி புத்தகங்களை வாங்கிவிடுவேன். இந்த ஆண்டும் என்னால் செல்ல முடியாது என்பது முன்பே தெரிந்துவிட்டது. அதனால் ஹரியைச் சென்று வரச் சொன்னேன். அவனால் இறுதி நாளன்றுதான் செல்ல முடிந்தது. சில மணி நேரமே இருந்ததால் கொஞ்சமே வாங்க முடிந்தது.  இந்தப் பட்டியலில் உள்ள நூல்களில் பெரும்பாலானவை என்னுடைய “வாங்க வேண்டிய நூல்கள்” பட்டியலில் இருந்தவைதான். “ஒரு மனிதன் ஒரு வீடு ஒரு உலகம்” நூல் என்னிடம் ஏற்கெனவே உள்ளது. பரிசளிப்பதற்காக வாங்கினேன். அதேபோல் சிந்தா நதியும். இந்த முறை தொகுப்பு நூல்கள் 3 வாங்கியுள்ளேன். குறிப்பாக கலைஞரின் நெஞ்சுக்கு நீதி முழுத்தொகுப்பு (உத்தேசமாக 5000+ பக்கங்கள் கொண்டது). போலவே போரும் வாழ்வும் (3000 பக்கங்கள்). இந்த முறை தோராயமாக 10000 ரூபாய்க்கு புத்தகங்கள் வாங்கியிருப்பேன...

20000 பக்கங்கள் வாசிக்க வேண்டும் என்பது 2025 ஆம் ஆண்டு தொடங்கியபோது நான் எடுத்துக்கொண்ட உறுதிமொழி. அனால் வாசித்தது 13000 பக்கங்கள் மட்டுமே . குறைந்தபட்சம் 100 நூல்களாவது வாசிக்க வேண்டும் என்று இலக்கு வைத்திருந்தேன். அதை எட்ட முடியவில்லை. 2025- இல் மொத்தம் 71 நூல்க ளே வாசித்திருக்கிறேன். இந்த எண்ணிக்கை 2024 ஆம் ஆண் டை விட சற்று அதிகம் என்றாலும் வாசிப்பில் நிறைவு ஏற்படாத ஆண்டு.     இந்த ஆண்டு கவிதை நூல்களை கணிசமாக வாசித்திருக்கிறேன் . குறிப்பாக கல்யாண்ஜி யின் கவிதைகள். நாவல் வாசிப்பு மற் றெ ந்த ஆண்டையும் விட இந்த ஆண்டு சற்று குறைவுதான் . எண்ணிக்கை அதிகம் என்றாலும் நூல்களின் தகுதியின் அடிப்படையில் சிறந்த நாவல்கள் அதிகம் வாசிக்கவில்லை. இந்த ஆண்டின் மத்தியில் மிகுந்த மன அழுத்தத்தில் இருந்தேன் . அந்த க் காலகட்டத்தில் ராஜேஷ்குமார் , இந்திரா சௌந்தர்ராஜன் , பட்டுக்கோட்டை பிரபாகர் , சுஜாதா போன்றவர்களே என்னை அதிலிருந்து வெளியேற்றி சற்று இளைப்பாற்றினர் என்று சொல்லலாம்.   வாசி த்த இந்த 71 நூல்களில் சில நூல் கள் குறித்து விரிவாக எழுத வேண்டும் என்று நினைத்திருந்தேன் . உதாரண...